Tarefas do 13 ao 19 de abril

Boas monstriños e familias!!

Esperamos que vos encontredes moi ben. Xa queda menos para poder saír e vernos. Desexámolo moitísimo!!! 💖

Aquí tedes as actividades para esta semana. Recordade que todas as actividade deben levar nome e data. Tedes un modelo en miniatura de como poderían ser as actividades propostas se non tedes para imprimir. Esperamos que vos sexan de axuda.

• Mates.

Repasar o número 10 con lapis e despois con rotulador. Facer o número 10  por dentro primeiro con lapis e despois con cera amarela, verde e vermella. Versión sen imprimir: as familias fan o número 10 grande para que os nenos fagan por dentro os trazos e despois cun rotulador amarelo fan 10 10 10 10 para que os nenos repasen con lapis.

Facer triángulos con lapis e unha vez feitos repasar con rotulador negro e pintalos facendo unha serie de 4 cores (azul, amarelo, verde, rosa). Versión sen imprimir: as familias fan as cuadrículas e colocan os puntiños de inicio para que o neno poida facer os triángulos.

Colocar o puntiño arriba ou abaixo, dentro ou fóra, primeiro con lapis e despois dándolle cor. Versión se imprimir: as familias debuxan as cuadrículas e as imaxes e o neno completa. Tamén podedes debuxar só a cuadrícula e o neno fai as imaxes completas.

Colorear cada debuxo dunha cor (por exemplo, os bastóns amarelos, as velas azuis) e colocar no recadro a cantidade exacta de cada obxecto. Versión sen imprimir: os nenos fan un debuxo e despois as familias engaden obxectos que os nenos teñen que contar e escribir o número. Outra forma de facelo é mirando esta imaxe e nun papel escribir o número de elementos. Outra forma de facelo é dicíndolles un número e eles teñen que debuxar X obxectos (por exemplo, 5: o neno debuxo 5 flores)

• Lóxica: 

Recortar os cepillos da dereita e pegalos no recadro correspondente. Versión sen imprimir: as familias fan o recadro e os nenos teñen que debuxar e colorear as pezas como nesta ficha, non teñen porque ser cepillos, poden ser flores ou formas xeométricas.

• Grafo: 

Decorar a flor segundo o modelo con rotuladores de diferentes cores. Versión sen imprimir: debuxamos unha flor grande e decoran como o modelo.

• Arte: 

No modelo de ficha o nun folio en branco (versión sen imprimir) plasmamos a propio man e decoran segundo o modelo. Podedes empregar ceras ou outro material.

Teñen que completa os raios do sol e as ondas do mar. Unha vez completo teñen que repasalo de negro e pintalo, poden empregar ceras, témperas ou outro material. Poden pegarlle lá ou cordel fino para facer volume e pintalo con témpera ou rotulador. Versión sen imprimir: as familias ou os propios nenos fan o debuxo enteiro e despois decoran.

• Lecto: 

Relacionamos cada personaxe co seu nome e debaixo do nome escribímolo en minúscula (só as letras traballadas) agás a primeira letra do nome e do apelido que debe ir en maiúscula. Versión sen imprimir: leva máis traballo pero seguro que lles gusta. Teñen que debuxar a cada personaxe e escribir o seu nome na pauta, tal como sinalo anteriormente.

Relacionar cada monumento coa súa bandeira e escribir na pauta o nome do país. Versión sen imprimir: Debuxan a bandeira e escriben na pauta o nome do país. Se son capaces, debuxan algo característico de cada país.