Aniversarios xuño, xullo e agosto

Xa rematou o curso pero non nos imos sen darlle a noraboa a todos aqueles nenos e nenas que cumpren anos durante o mes de Xuño, Xullo e Agosto.

Moitas felicidades!!!

En Xuño: Antía G dos monstros amarelos e Lara, Esaú e Nora dos monstros verdes.

En Xullo: Soriano, Mario FC, Soledad e Daniela dos monstros amarelos. Álex F dos monstros verdes.

En Agosto: Martín e Elena dos monstros verdes.

Tarefas do 15 ao 21 de xuño

Bos días familias e cativ@s!

   Hoxe tería que comezar a última semana de cole e iso significa que esta será a última proposta de actividades que faremos. Aí vai...

*Mates

   Esta semana tócanos facer restas, dúas páxinas do libro. Na primeira tarefa (páx. 46) teremos que contar as cereixas que hai na primeira imaxe, contar as que nos comemos e restar para averiguar o resultado. Hai que escribir os números nos cadrados pequenos e debuxar o resultado no cadrado máis grande. Podemos deixar que os nenos tachen para que lles resulte máis sinxelo.

                                                     

Versión sen imprimir: Como noutras ocasións, podemos facelo con cereixas ou máis sinxelo con boliñas.

Pola parte traseira teñen que facer cadrados nas cuadrículas, similares os que fixeron hai dúas semanas, cas 4 cores do parchís. Podemos pintar todos iguais ou ir rotando as cores.

Versión sen imprimir: Facemos nos as cuadrículas para que os nen@ fagan os cadrados, os terán que dividir, repasar con rotu negro e colorear.

   Na seguinte tarefa (páx. 48) só teñen que contar as bolboretas, escribir os números nos cadradiños, facer as restas e debuxar o resultado final.

Versión sen imprimir: Igual ca tarefa anterior.








*Lóxica
   Na primeira tarefa (páx. 45) teremos que seguir as consigas que nos marcan. Fixádevos ben en cantas flores temos que colorear e de qué cor, e se están situadas á esquerda ou á dereita da nena.

Versión sen imprimir: Podemos dividir un folio en dúas partes e pedirlle aos nen@s que debuxen flores a un e outro lado. Logo lle damos a consigna para que coloreen.






   Na outra tarefa temos que adicar un tempo a observar a lámina e logo contar os debuxos dos difrentes animais que aparecen para cubrir o cadro coas marcas necesarias.

Versión sen imprimir: Facemos o cadro para que os nen@s o competen.

*Grafo
   Imos a decorar o monstruo de cores con diferentes trazos ou debuxos. Fixádevos no exemplo.

Versión sen imprimir:ao nen@ que debuxe o monstruo e o decore con trazos. Depois pode darlle cunha cera tumbada de cor amarela ou verde segundo a mascota da súa clase.

*Arte

   Tendo en conta que estamos na última semana, e tocaría celebrar a vosa graduación, propoñemos que elaboredes un birrete para convertirvos en auténticos graduados e graduadas.

   Podedes empregar cartulina ou goma eva de cor negra ou calquer outra cor que teñades por casa, e lá para facer o ponpón. Aquí tedes un vídeo explicativo de como facer un birrete.

*Lecto

   Para continuar coa celebración da graduación animámosvos a facer un diploma. Os nen@s terán que completar poñendo o seu nome, logo abaixo onde pon docente, teñen que escribir Profe Lucía ou Profe Marta e tamén o ano.

Aquí tedes un modelo en branco e negro e tamén un modelo a cor para que vos fagades unha idea de como vai quedar. Podedes empregar as cores que queirades.

Versión sen imprimir: Nun folio en branco copiamos o que está escrito e deixamos ocos para que o voso fill@ complete. Logo terá que decoralo e colorealo como máis lle guste.                                                                                                                           

Tarefas do 8 ao 12 de xuño

Ola familias e monstriñ@s!

Xa non queda para rematar este curso. Penúltima semana!!! Aquí van as tarefas:

LECTO e GRAFO

Letra F. Faremos a grafía da letra F minúscula coas 5 vogais. Ao lado escribimos 2 palabras con cada sílaba. Por detrás poden facer o debuxo dalgunha das palabras. Repasamos a sílaba Fa de amarelo ou laranxa, Fe de verde, Fi de lila, Fo de vermello e Fu de azul.

Versión sen imprimir: Facemos a pauta para que os nenos poidan facer as sílabas e as palabras. Poden facer tamén o debuxo dalgunha das palabras. Se lles costa facer o trazo da letra F podedes facerlla vós primeiro con rotulador amarelo e eles repasan con lapis, tal como aparece no exemplo.

Letra R. Temos que colorear e recortar os debuxos. Despois colocarémolos segundo a R sexa suave ou forte. Por detrás poden escribir o nome dos debuxos facéndolle vós a pauta.

Versión sen imprimir: vós soamente tedes que facer a pauta para que escriba o nome do debuxo e os nenos debuxarán as imaxes da actividade ou outras que teñan R.

MATES E LÓXICA

Cuántos quedan sin romper? Mates páxina 43. Facemos a resta tal como sinala a imaxe. Se lles costa poden tachar os óvos e despois contar. No recadro vermello fan o debuxo dos óvos que quedan e nos recadros azuis escriben o número e rotulan.

Versión sen imprimir: os nenos fan a cantidade de óvos que marca a imaxe (ou outro debuxo, flores, globos, caramelos) e fan a resta coma na ficha de mates. Se facedes a resta numérica, colocádea ben tal como amosamos no exemplo, para que se acostumen a colocalas correctamente. 

Cuáles están mal? Páxina 44 do libro de mates. Nesta actividade teñen que tachar os elementos incorrectos. Poden facer liñas co lapis para facilitar a suma de elementos. Na primeira liña todos os cubos teñen que ser vermellos, na segunda todos amarelos e na terceira todos verdes. Así xa podemos descartar algún. Despois imos por columnas. Na primeira columna todas as pás teñen que ser vermellas (tachamos unha), na segunda columna todas amarelas (tachamos outra), na terceira columna todas verdes e na última todas azuis. Tamén poden ir mirando cubo vermello máis pá vermella igual a...

Versión sen imprimir: podedes debuxar cubos ou outro debuxo, por exemplo, caras de robots cadradas, circulares e triangulares que se combinan con ollos vermellos, azuis, amarelos e verdes. Ou tamén con círculos, triángulos e cadrados combinados con 4 cores. 

Arte

Con estas actividades rematamos as actividades con letras. Xa sabemos que non acabamos todo o abecedario pero o importante era coller a dinámica de "Se temos unha P e poñemos unha A, iso é PA". Coñecendo e asimilando isto xa lles vale para todas as letras. Despois hai que coñecer as regras ortográficas pero iso xa para primaria. 

Portada Aprendo as letras. Tal como amosa o modelo, facemos o título con maiúsculas e coloreamos por dentro. Todo rotulado coma no modelo que vos aportamos. 

Portada proxecto Volta ao mundo. Aquí tedes un modelo de portada. Con acuarela azul claro ou témpera azul claro moi aguada pintamos todo o folio e deixámolo secar. Despois teñen que facer un globo, rotulalo de negro, colorealo e, nas liñas, escribir "Proxecto Volta ao mundo". Poden decorar o globo con trazo de grafomotricidade de diferentes cores. Tamén poden debuxar un corpo e pegar unha foto da súa cara nese corpo dentro do globo. Podedes decorar con purpurina ou calquera outro material que teñades en casa. Ao rematar, grapades todas as fichas do proxecto e xa tedes o voso libro da Volta ao mundo"

Para colocar as fichas, esta é a orde: 

1. Que sabemos sobre a volta ao mundo.
2. Para ir de España a Londres imos en...
3. Chámome Phileas Fogg.
4. Chámome Jean Passepartout.
5. Fogg fixo unha aposta.
6. Os continentes.
7. Fichas Reino Unido (Londres)
8. Fichas Francia (París)
9. Chámome Detective Fix.
10. Fichas Exipto (Suez)
11. Fichas Kenia.
12. Fichas India.
13. Princesa Aouda.
14. Repasamos o aprendido.
15. Quen escribiu "La vuelta al mundo..."
16. Fichas China.
17. Fichas Xapón.
18. Fichas EEUU.
19. De volta en Londres.

Para rematar, propoñemos uns xogos para traballar a motricidade fina. Recordade que canto máis pequeno fagades o circuito e máis pequenas as pezas, máis difícil será para os nenos. Empezade por pezas grandes e ide menguando pouco a pouco.

Aniversarios mes de maio

Ola familias e monstriños!

Noraboa aos protagonistas deste mes de maio: Sofía e Cristina dos monstros amarelos.

Propoñemos algunhas actividades relacionadas cos aniversarios: facer un pastel e decorar con banderíns.

Tarefas do 1 ao 7 de xuño

Ola familias e monstriños, deixámosvos a proposta de actividades para esta semana:

*Mates

   Podedes aproveitar que xa saídes de paseo para recoller unhas flores e xogar a facer sumas ou restas con elas. Unha vez rematados os xogos podemos facer un collar cun fío e unha agulla, atravesando o centro da flor.

   Na primeira tarefa de hoxe os nen@s terán que contar as flores dos ramilletes e escribir o número no cadardo, fan a suma e escriben o resultado final. 

   

Versión sen imprimir: Podemos pedirlle aos nen@s que debuxen as flores, ou máis sinxelo, con círculos ou calquer outro debuxo.

   

   Pola parte traseira terán que debuxar con lapis os cadrados fixándose en deixar os espazos, repasar con rotu negro e dividilos en 4 partes. Logo terán que colorear cada parte dunha das cores do parchís. Poden colorear todos os cadrados igual co modelo ou complicalo máis pedíndolle que vaian rotando as cores imaxinándonos que o cadrado grande vai xirando. Fixádevos na versión sen imprimir.

Versión sen imprimir: Facémoslle a cuadrícula e os nenos fan os cadrados, os dividen, os repasan e colorean.

   

   

   

   Hai que debuxar, en cada tarta, tantas velas como indican as etiquetas. Na parte de abaixo completar a serie ascendente e descendente.

Versión sen imprimir: Podemos debuxar tartas ou calquera cousa que se nos ocorra, un xarrón con flores, unha cara de monstruo para que lle debuxen ollos. Debaixo os números en rotu amarelo para que repasen por enriba.

*Lóxica

   Podedes facerlle as diferentes formas xeométricas en papel ou deixar que as fagan eles (círculo, cadrado, triángulo e rectángulo). Podemos xogar a emparellalas, ou pechar os ollos e recoñecer de que forma se trata a través do tacto.  Darlle unhas cantas formas e que constrúa a partir delas (unha casa, un tren, unha árbore,...).

   O nen@ terá que colorear as pezas necesarias para construir o foguete. Fixádevos que as cores teñen que ser iguais as do modelo. Por detrás terán que debuxar o foguete e facédelles unha pauta para que escriban a palabra.

Versión sen imprimir: O nen@ pode debuxar as formas e contruir un foguete ou carlquera outra cousa que se lle ocorra.

*Grafo

   Hai que debuxar o trazo por dentro da B maiúscula e minúscula, e colorear o debuxo que comeza por B. Logo repasar as sílabas e facelas dentro da pauta (1º con lapis e logo con rotu).

Versión sen imprimir: Facémoslle as sílabas en amarelo para que repasen e a pauta.

*Arte

   Podedes recortar o círculo do reloxo e pegalo nunha cartolina para que teña máis consistencia, ou directamente facer un círculo na cartolina. O nen@ pode facerlle os números onde lle indiquemos e as agullas tamén con cartolina. Teremos que facer un buraquiño cun punzón ou con algo afiado no centro do círculo e nos  extremos das agullas, e logo montalo e poñerlle un encuadernador para que as agullas podan moverse. Se non tedes encuadernador podedes pegalas para que queden fixas.

*Lecto

   Coma sempre, cada vez que traballamos unha letra nova, pensamos en palabras que comezan ou que conteñen esa letra. Podemos ir ao espello para ver como se coloca a boca cando pronunciamos o "B". Pensade que neste caso hai unha dificultade engadida, o fonema "B" sona igual co fonema "V", polo tanto, se vos din palabras con "V", dicídelle que moi ben porque o son é correcto pero que esa palabra se escribe con "V".

   O nen@ terá que repasar as sílabas, unilas co debuxo correcto e escribir a palabra na pauta (baúl, bebé, biberón, botella e búho).

Versión sen imprimir: Facémoslle as sílabas en amarelo para que o nen@ repase por riba, e as pautas para que escriban as palabras de cada sílaba.

Aviso

Comezamos a recoller as aulas e temos unhas gorras sen nome. Por favor, mandádenos unha mensaxe a través de avalarmóbil para dicirnos de quen é. 

Tedes ata o 8 de xuño para avisarnos senón irán para obxectos perdidos. 

3 gorras estaban na clase da profe Lucía e unha na de Marta (a da esquerda)

O libro dos nomes

Ola familias e monstriños!

Xa que non puidemos compartir en directo o libro dos nomes feito polos monstros amarelos e verdes, fixemos estes vídeos con imaxes do libro.